Un ano máis habemos de agradecer ao Real Club de Baloncesto feminino CELTA ZORKA, da nosa cidade, a súa xenerosidade na Xornada de Recollida de alimentos e xoguetes realizada onte día 22 durante o partido que discorreu no Pavillón de Navia.
Parte da doazón alimenticia, entregámola ao Comedor da Esperanza, por tratarse de produtos que requirían cociñado para o seu consumo, quedándonos en “A las 5” con leite, galletas, azucre, Cacao, marmelada, etc. En definitiva, produtos de consumo directo.
En canto aos xoguetes recolleitos, entregáronse a “A man que axuda” por ser un acto solidario en beneficio das tres entidades: “ Caritas” “A man que axuda” e “A las 5”.
Reiteramos pois as grazas ao referido Club pola súa xenerosidade, desexámoslles un Bo nadal, un venturoso Novo Ano 2019 e por suposto, aproveitamos tamén para felicitarlles pola súa excelente tempada deportiva 2018, na que conseguiron nada menos que 12 vitorias en 12 partidos. Un cento por cento de efectividade! ¡PARABÉNS!




